（字幕打出：三年後，朱金受所屬之美國傳教士協會所邀出席其於芝加哥舉行之年度大會。）
（燈光復亮，舞台中央，情景跟上一幕開始時大致相同，祈禱中的各人陸續禱告完畢，擡起頭來。）
（門外停車〔馬車？〕聲響）
眾人：（當中幾個叫了出來）佢哋返來喇！（會友甲奔出）
（腳步聲響，會友甲領Pond和朱金攜著行李箱進台，眾人紛紛向Pond和朱金打招呼）
眾人：（紛紛向Pond和朱金打招呼）牧師！／牧師，返來嗱！／老朱，返來嗱！
會友乙：老朱，路途辛苦喇！
朱金：少少辛苦啦！但比起成果就唔算得ｄ咩喇！
會友乙：有乜收穫？講來過我哋聽下！
眾人：係囉係囉！
朱金：本來今次被邀請去芝加哥出席年會，有機會分享一下我哋華人信徒嘅需要，都已經好難得。開頭都冇諗過講，但係，我相信係聖靈感動我，到咗會議臨拉尾，我大膽咁提出咗我哋嘅香港宣教計劃。之後，我重出席咗幾個會，都有講起呢個計劃，好多弟兄姊妹聽到都表示支持，畀咗好多鼓勵過我，有ｄ重話會盡力幫我哋添！
會友乙：咁樣，我哋咁多年ｄ禱告似乎並冇白費，個計劃算係有ｄ眉目喇！
Pond：唔好開心過咗頭，而家十劃都未有一撇，要記住繼續祈禱。
朱金：牧師講得啱，我哋要繼續為個計劃祈禱！（眾人點頭稱是，燈光轉暗）
團契週目表
沒有留言:
張貼留言